நாமக்கல் - திருச்சி சாலை ரெயில்வே மேம்பாலம் அருகே குப்பைகளை கொட்டுவதற்கு வகுரம்பட்டி ஊராட்சி நிர்வாகம் சார்பில் சாலையோரம் 2 குப்பை தொட்டிகள் வைக்கப்பட்டு உள்ளன. இந்த குப்பை தொட்டியை அந்த பகுதியை சேர்ந்த பொதுமக்கள் பயன்படுத்தி வருகின்றனர். இந்த நிலையில் சிலர் குப்பைகளை தொட்டிக்கு அருகிலேயே கொட்டி செல்வதால், சுகாதார சீர்கேடு ஏற்பட்டு வருகிறது. எனவே குப்பைகளை தொட்டிக்குள் கொட்டுவதற்கு பொதுமக்கள் முன்வர வேண்டும். அதே நேரத்தில் குப்பை தொட்டி நிறைந்தால் உடனடியாக அதை அப்புறப்படுத்த ஊராட்சி நிர்வாகம் நடவடிக்கை எடுக்க வேண்டும்.