விளையாட்டு மைதானங்களை சீரமைக்க கோரிக்கை
கிராமப்புறங்களில் மாணவர்கள், இளைஞர்கள் விளையாட்டுத்திறனை மேம்படுத்தவும், உடற்பயிற்சிகள் செய்வதற்கான ஆர்வத்தை ஏற்படுத்தவும், கடந்த 2006-ம் ஆண்டு அண்ணா மறுமலர்ச்சி திட்டத்தில், கிராமங்களில் விளையாட்டு மைதானங்கள் அமைக்கப்பட்டு, அடிப்படை உடற்பயிற்சிகள் செய்வதற்கான உபகரணங்கள், குழந்தைகளுக்கான சறுக்கு, ஊஞ்சல் உள்ளிட்ட உபகரணங்கள் அமைக்கப்பட்டது. இந்த திட்டம் சில ஆண்டுகள் செயல்பாட்டில் இருந்தது. மைதானங்கள் பராமரிப்பு குறித்து சில ஆண்டுகள் கண்டுகொள்ளப்படவில்லை. இதனால் விளையாட்டு பயிற்சி உபகரணங்கள் துருப்பிடித்து பயன்படுத்த முடியாத நிலைக்கு மாறி விட்டது. எனவே, கிராமப்புற மைதானங்களை பராமரித்து, புதிய உடற்பயிற்சி உபகரணங்கள் வழங்க வேண்டும்.
குணசேகரன், பல்லடம்.
78765 55234