பெரம்பலூர் மாவட்டம் மருவத்தூர் அருமடல் கிராமத்தில் உள்ள செல்லியம்மன் கோவில் அருகே ஒரு மின்மாற்றியும் உள்ளது. இந்த மின்மாற்றியில் இருந்து அருகில் உள்ள வயல்களுக்கு மும்முனை மின்சாரம் வழங்கப்படுகிறது. மேலும் சுமார் 50 வீடுகளுக்கும் மின்சாரம் வழங்கப்படுகிறது. தற்போது மின்மாற்றியை தாங்கி நிற்கும் மின்கம்பங்கள் சேதமடைந்து எப்போது வேண்டுமானாலும் கீழே விழும் நிலையில் உள்ளது. எனவே சம்பந்தப்பட்ட அதிகாரிகள் புதிய மின்மாற்றி அமைக்க நடவடிக்கை எடுக்க வேண்டும் என கேட்டு கொள்கிறோம்.