மயிலாடுதுறை மாவட்டம் குத்தாலம் வட்டத்தில் கோடிமங்கலம் கிழக்கு தெரு உள்ளது. இந்த தெருவில் உள்ள மின்கம்பம் ஒன்று சேதமடைந்து இருக்கிறது. மின்கம்பத்தின் அடிப்பகுதியில் சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. இதனால் மின்கம்பம் எப்போது வேண்டுமானாலும் கீழே விழுந்து விடும் நிலை உள்ளது. எனவே, அசம்பாவிதம் எதுவும் ஏற்படும் முன் சம்பந்தப்பட்ட அதிகாரிகள் சேதமடைந்த மின்கம்பத்தை அகற்றிவிட்டு புதிய மின்கம்பம் வைக்க நடவடிக்கை எடுக்க வேண்டும்.