தெருவிளக்கு அமைக்கப்படுமா?
திருப்பூர் மாநகர பகுதியான போயம்பாளையத்தில் இருந்து நெருப்பெரிச்சல் செல்லும் வழியில் குருவாயூரப்பன் நகர் உள்ளது. இங்கு ஏராளமான மக்கள் வசித்து வருகிறார்கள். இந்த பகுதியில் சமீபத்தில் தெருவிளக்கு மின் கம்பங்கள் சீரமைக்கப்பட்டன. ஆனால் அதன் பின்னர் மின் கம்பத்தில் விளக்குகள் எரியவில்லை. இதனால் இரவு நேரத்தில் இருள் சூழ்ந்து காணப்படுகிறது. இதை பயன்படுத்தி அசம்பாவித சம்பவங்கள் நடக்க வாய்ப்பு உள்ளது. அந்த வழியாக செல்பவர்கள் ஒருவித அச்சத்துடன் செல்லவேண்டியுள்ளது. எனவே சம்பந்தப்பட்ட அதிகாரிகள் மின்விளக்குகள் அமைக்க நடவடிக்கை எடுக்க வேண்டும் என்பது அனைவரின் எதிர்பார்ப்பாகும்.
-சுரேஷ், திருப்பூர்.