புதுக்கோட்டை மாவட்டம், கறம்பக்குடி சீனி கடை முக்கம் பகுதி பொதுமக்கள் நெருக்கடி மிகுந்த பகுதியாகும். இரவு நேரங்களில் பொதுமக்கள் நடமாட்டம் இப்பகுதியில் அதிகமாக உள்ளது. பஸ்கள் அனைத்தும் இரவு வேலைகளில் இப்பகுதியில் நிறுத்தப்படுகிறது. வெளியூர்களில் இருந்து வருபவர்கள் இந்த நிறுத்தத்தில் இறங்கி தங்கள் வீடுகளுக்கு சென்று வருகின்றனர். இப்பகுதியில் உள்ள உயர் கோபுர மின்விளக்கு கடந்த 3 மாதங்களாக எரியவில்லை. இதனால் சீனி கடை முக்கம் பகுதி இருள் சூழ்ந்து காணப்படுகிறது. இதனால் குற்ற செயல்கள் நடைபெற வாய்ப்பு உள்ளது. எனவே இந்த உயர் கோபுர மின் விளக்கை சீரமைத்து மீண்டும் ஒளிரச் செய்ய சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.