தஞ்சை மாவட்டம் அதிராம்பட்டினம் அருகே உள்ள ஏரிப்புறக்கரை பகுதி மீன்பிடி துறைமுகத்துக்கு செல்லும் சாலையில் மின்மாற்றி இருந்தது. இது கஜா புயலில் சிக்கி கீழே விழுந்து முழுவதும் சேதமடைந்து கிடக்கிறது. இந்த நிலையில் தற்போது வரை விழுந்த மின்மாற்றி அப்புறப்படுத்தப்படாமல் அப்படியே கிடக்கிறது. மேலும், மின்மாற்றியில் இருந்த மின்கம்பிகள் போக்குவரத்துக்கு இடையூறாக இருக்கிறது. இதன்காரணமாக மீன்பிடி துறைமுகத்துக்கு வரும் மீனவர்கள் சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் விழுந்து கிடக்கும் மின்மாற்றியை அப்புறப்படுத்த நடவடிக்கை எடுப்பார்களா?