ஈரோடு அருகே உள்ள ஆர்.என்.புதூர் கே.கே.கார்டன் மேற்கு பகுதியில் கடந்த 2 ஆண்டுகளாக சரியாக மின்சாரம் வினியோகிக்கப்படவில்லை. இதனால் வீட்டு மின் மோட்டார் இணைப்புகள் சரியாக பயன்படுத்த முடியவில்லை. தற்போது வீடுகள் அதிகரித்துள்ளதால் கூடுதலாக மின்சாரம் தேவைப்படுகிறது. ஆனால் ஒரே ஒரு டிரான்ஸ்பார்மர் இருப்பதால் பற்றாக்குறை ஏற்படுகிறது. எனவே கூடுதலாக ஒரு டிரான்ஸ்பார்மர் அமைத்து சீராக மின்வினியோகம் செய்ய அதிகாரிகள் முன்வருவார்களா?