பெரம்பலூர் மாவட்டம், பாளையம் கிராமத்தில் பெரம்பலூர்-துறையூர் சாலையில் அமைக்கப்பட்டுள்ள தெருவிளக்குகள் கடந்த 20 நாட்களாக எரியாமல் உள்ளது. இதனால் இரவு நேரத்தில் இப்பகுதியில் இருள் சூழ்ந்து காணப்படுவதினால் திருட்டு, வழிப்பறி உள்ளிட்டவை நடக்க அதிக வாய்ப்பு உள்ளது. மேலும் இரவு நேரத்தில் இப்பகுதியில் பெண்கள் நடந்து செல்லவோ, வாகனத்தில் செல்லவோ பெரிதும் அச்சப்படுகின்றனர். எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.