நாகை மாவட்டம் வடுகச்சேரி கிராமத்தில் கோட்டூர் வாய்க்கால் அருகே மின் கம்பம் உள்ளது. இந்த மின் கம்பம் சேதமடைந்து கான்கிரீட் கம்பிகள் வெளியே தெரிகின்றன. இதனால் இந்த மின் கம்பம் எப்போது வேண்டுமானாலும் கீழே விழும் சூழ்நிலை உள்ளது. இதன் காரணமாகஅந்த வழியாக செல்லும் பொதுமக்கள் மிகவும் அச்சப்படுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து பழுதடைந்த மின் கம்பத்தை மாற்றிவிட்டு புதிய மின் கம்பம் அமைக்க வேண்டும் என்று பொதுமக்கள் கோரிக்கை விடுத்துள்ளனர்.
பொதுமக்கள் வடுகச்சேரி