கரூர் மாவட்டம், புஞ்சை கடம்பங்குறிச்சி ஊராட்சி, கடம்பங்குறிச்சி பகுதியில் பொதுமக்களின் குடிநீர் தேவையை பூர்த்தி செய்யும் வகையில் மேல்நிலைநீர்த்தேக்க தொட்டி அமைக்கப்பட்டுள்ளது. இந்த நிலையில் கடந்த 3 ஆண்டுகளாக இந்த மேல்நிலை நீர்த்தேக்க தொட்டி பயன்பாடு இன்றி உள்ளது. இதனால் இப்பகுதி மக்கள் போதிய குடிநீர் இன்றி பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து பயனற்றுள்ள மேல்நிலை நீர்த்தேக்க தொட்டியை பயன்பாட்டிற்கு கொண்டு வர வேண்டும் என கேட்டுக்கொள்கிறோம்.