பெரம்பலூர் வட்டம், செங்குணம் அண்ணா நகர் மேற்கு தெருவில் செங்குணம் கிராம ஊராட்சி மூலம் ஜல் ஜீவன் திட்டத்தின் கீழ் அமைக்கப்பட்ட குடிநீர் குழாயில் கடந்த 6 மாதங்களுக்கு மேலாக சரியான முறையில் தண்ணீர் வரவில்லை. இதனால் இப்பகுதி மக்கள் பெரிதும் அவதிப்பட்டு வருகின்றனர் என தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட அதிகாரிகள் விரைந்து நடவடிக்கை எடுத்து, முறையாக குடிநீர் வினியோகம் செய்தனர். இதற்கு செய்தி வெளியிட்ட தினத்தந்தி புகார் பெட்டிக்கும், நடவடிக்கை எடுத்த அதிகாரிகளுக்கும் இப்பகுதி மக்கள் நன்றி தெரிவித்தனர்.