திருப்பத்தூர் மாவட்டம் நாட்டறம்பள்ளி பேரூராட்சிக்கு உட்பட்ட 15-வது வார்டில் 650-க்கும் மேற்பட்ட மக்கள் வசித்து வருகின்றனர். லட்சுமணர் தெருவில் உள்ள மேல்நிலை நீர்த்தேக்கத் தொட்டி மூலமாக வார்டில் உள்ள அனைத்துப் பகுதிகளுக்கும் தண்ணீர் வினியோகம் செய்யப்படுகிறது. அந்த வார்டில் தண்ணீர் வழங்க ஒரே ஒரு மேல்நிலை நீர்த்தேக்கத் தொட்டி மட்டுமே உள்ளது. இதனால் கோடை மற்றும் வறட்சி காலங்களில் கடுமையான குடிநீர் தட்டுப்பாடு ஏற்படுகிறது. கூடுதலாக சண்டியூர் மற்றும் தண்ணீர்பந்தல் பகுதியில் ஆழ்துளை கிணற்றுடன் கூடிய புதிய மேல்நிலை நீர்த்தேக்கத் தொட்டி அமைத்துத் தர நடவடிக்கை எடுக்க வேண்டும்.
முத்தமிழ்வேந்தன், நாட்டறம்பள்ளி