கரூர் மாவட்டம், பாலத்துறை வழியாக புகழூர் வாய்க்கால் செல்கிறது. பாலத்துறை அருகே சேலம்-கரூர், கரூர்-சேலம் தேசிய நெடுஞ்சாலை செல்கிறது. நெடுஞ்சாலையின் கீழே பாலம் உள்ளது. இந்தப்பாலத்தில் ஏராளமான தண்ணீர் தாமரைகள் மற்றும் பல்வேறு செடி-கொடிகள் தண்ணீரில் தேங்கி நிற்கிறது. இதன் காரணமாக வாய்க்காலில் செல்லும் தண்ணீர் விரைந்து செல்ல முடியாமல் தேங்கி நிற்கிறது .எனவே பொதுப்பணித்துறை அதிகாரிகள் விரைந்து நடவடிக்கை எடுத்து பாலத்தின் அடியில் தேங்கியுள்ள தண்ணீர் தாமரை மற்றும் பல்வேறு செடி கொடிகளை அகற்றி தங்கு தடை இன்றி வாய்க்காலில் தண்ணீர் செல்ல நடவடிக்கை எடுக்க வேண்டும் என கேட்டுக்கொள்கிறோம்.