திருவாரூர் மாவட்டம் நீடாமங்கலம் வடக்கு வீதியில் ஏராளமான கடைகள், நிறுவனங்கள் உள்ளன. இந்த கடைவீதியின் வழியாக ஏராளமான பொதுமக்கள் பல்வேறு இடங்களுக்கு சென்று வருகின்றனர். இதனால் எப்போதும் பொதுமக்கள் கூட்டம் அதிக அளவில் இருக்கும். இந்த கடைவீதி பேரூராட்சி அலுவலகம் அருகே குடிநீர் குழாய் உடைந்து தண்ணீர் வீணாகிறது. இதனால் தண்ணீர் பற்றாகுறை ஏற்பட வாய்ப்பு இருப்பதாக பொதுமக்கள் வருத்தம் தெரிவிக்கின்றனர். எனவே சம்பந்தபட்ட அதிகாரிகள் உரிய நடவடிக்கை எடுத்து குழாய் உடைப்பை சரி செய்ய வேண்டும் என்று பொதுமக்கள் கோரிக்கை விடுத்துள்ளனர்.