திருச்சி மாவட்டம், மணப்பாறை ஒன்றியம், சித்தானந்தம் ஊராட்சியில் உள்ள முருகன் கோவில் அருகில் ஆழ்குழாய் கிணற்றுடன் கூடிய நீர்த்தேக்க தொட்டி அமைக்கப்பட்டுள்ளது. இந்த ஆழ்குழாய் கிணற்றில் அமைக்கப்பட்டுள்ள மின்மோட்டார் பழுதுகாரணமாக கடந்த 3 ஆண்டுகளுக்கு முன்பு கழற்றப்பட்டது. ஆனால் மீண்டும் பொருத்தப்படாமல் உள்ளது. இதனால் இந்த நீர்த்தேக்க தொட்டி பயன்பாடு இன்றி வீணாகி வருகிறது. மேலும் இப்பகுதி மக்கள் போதிய குடிநீர் இன்றி பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.