கரூர் மாவட்டம் கடவூர் தாலுகா மாவத்தூர் பஞ்சாயத்திற்குட்பட்ட வினோபாஜிபுரம் பகுதியில் ஏராளமான பொதுமக்கள் வசித்து வருகின்றனர். இங்கு முறையான குடிநீர் தொட்டி இல்லாததால் இப்பகுதி பொதுமக்கள் பல்வேறு இடங்களுக்கு குடிநீருக்காக அலைந்து வருகின்றனர். அங்கு குடிநீர் கிடைப்பதில்லை. இதனால் பொதுமக்கள் கடும் அவதி அடைந்து வருகின்றனர். இதகுறித்து பலமுறை அதிகாரிகளிடம் புகார் மனு கொடுத்தும் எந்த நடவடிக்கையும் எடுக்கவில்லை. எனவே சம்பந்தப்பட்ட அதிகாரிகள் உடனடியாக குடிநீர் தொட்டி அமைத்து கொடுக்க நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.