தஞ்சை மாவட்டம் வாள்அமர்கோட்டை கிராமத்தில் உள்ள வடிகால் முறையான பராமரிப்பின்றி காணப்படுகிறது. குறிப்பாக வடிகால் முழுவதும் ஆகாயத்தாமரைகள், செடி, கொடிகள் வளர்ந்து புதர்மண்டி கிடக்கிறது. மேலும், வடிகாலின் கரையும் வலுவிழந்து காணப்படுகிறது. இதன்காரணமாக பலத்த மழை பெய்யும் போது வடிகாலின் கரை உடையும் வாய்ப்பு உள்ளது. இவ்வாறு நடந்தால் அதனை சுற்றியுள்ள 300 ஏக்கருக்கும் மேற்பட்ட விளைநிலங்கள் பாதிப்படையும். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள வடிகாலை சீரமைக்க நடவடிக்கை எடுப்பார்களா?