நாகை மாவட்டம் திருமருகல் ஒன்றியம் இடையாத்தங்குடி ஊராட்சியில் 100 -க்கும் மேற்பட்டோர் வசித்து வருகின்றனர். இந்த பகுதியில் உள்ள பெரியகுளத்தின் மூலம் அந்த பகுதி மக்களின் தண்ணீர் தேவையை பூர்த்தி செய்து வருகின்றனர். இந்த நிலையில் இந்த குளத்தை ஆகாய தாமரைகள் ஆக்கிரமித்துள்ளன. இதனால் குளம் முழுவதும் பச்சை போர்வை போர்த்தியது போல் உள்ளது. ஆகாய தாமரைகள் அழுகி காணப்படுவதால் துர்நாற்றம் வீசுகிறது. எனவே சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.