நாகை மாவட்டம் எரவாஞ்சேரி ஊராட்சி நாட்டார்மங்கலம் கிராமத்தில் ஏராளமானோர் வசித்து வருகின்றனர். இந்த கிராமத்தில் பொதுமக்கள் பயன்பாட்டிற்காக படித்துரையுடன் கூடிய குளம் உள்ளது. பல ஆண்டுகளாக உள்ள இந்த குளத்தின் மூலம் அந்த பகுதியை சேர்ந்த பொதுமக்கள் தங்களது தண்ணீர் தேவையை பூர்த்தி செய்து வந்தனர். தற்போது இந்த குளத்தில் உள்ள படித்துரை சேதமடைந்து பயன்படுத்த முடியாத நிலையில் உள்ளது. இதனால் அந்த குளத்திற்கு சென்று வர பொதுமக்கள் மிகவும் சிரமப்பட்டு வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து குளத்தின் படித்துரையை சீரமைக்கவேண்டும் என்று பொதுமக்கள் கோரிக்கை விடுத்துள்ளனர்.