கோத்தகிரி தாசில்தார் அலுவலகத்திற்கு தினமும் ஏராளமான பொதுமக்கள் வந்து செல்கின்றனர். இதுபோன்று அலுவலர்களும் வந்து செல்கிறார்கள். அங்குள்ள தாழ்வான சாலை பழுதடைந்து இருந்தது. தற்போது அந்த சாலை புதுப்பிக்கப்பட்டு உள்ளது. ஆனால் வேகத்தடை எதுவும் இல்லை. இதனால் அந்த சாலையில் வாகனங்கள் அதிவேகமாக சென்று வருகின்றன. இதன் காரணமாக விபத்து ஏற்படும் அபாயம் காணப்படுகிறது. எனவே அந்த சாலையில் தாசில்தார் அலுவலகம் முன்பு வேகத்தடை அமைக்க சம்பந்தப்பட்ட துறை அதிகாரிகள் முன்வர வேண்டும்.