மயிலாடுதுறை மாவட்டம் மணல்மேடு கடைவீதியில் போக்குவரத்துக்கு இடையூறாக வாகனங்கள் நிறுத்தப்படுகின்றன. மேலும், ஒரு சில பகுதிகளில் ஆக்கிரமிப்புகளும் உள்ளன. இதனால் கடைவீதியில் அடிக்கடி வாகனங்கள் அணிவகுத்து நிற்கின்றன. போக்குவரத்து நெரிசல் காரணமாக கடைவீதிக்கு வருபவர்கள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் போக்குவரத்து நெரிசல் ஏற்படாமல் இருக்க உரிய நடவடிக்கை எடுக்க வேண்டும்.