கொடிவேரி அணையில் இருந்து அந்தியூர் செல்வதற்கு டவுன் பஸ் வசதி கிடையாது. இதனால் பயணிகள் கொடிவேரியில் இருந்து கோபி சென்று அங்கிருந்து அந்தியூருக்கு பஸ்கள் மாறி செல்ல வேண்டிய நிலை ஏற்படுகிறது. இதன் காரணமாக பணவிரயம் மற்றும் காலவிரயம் ஏற்படுகிறது. எனவே கொடிவேரி அணையில் இருந்து டி.ஜி.புதூர், டி.என்.பாளையம், கள்ளிப்பட்டி, அத்தாணி வழியாக அந்தியூருக்கு அரசு டவுன் பஸ்கள் வசதி செய்துதர அதிகாரிகள் நடவடிக்கை எடுக்க முன்வர வேண்டும்.