தஞ்சை மாவட்டம் பட்டுக்கோட்டை ஒன்றியத்தில் அணைக்காடு நாவல்மரம் பயணிகள் நிழலகம் உள்ளது. தற்போது நிழலகம் முறையான பராமரிப்பின்றி பழுதடைந்த நிலையில் இருக்கிறது. நிழலகத்தில் மேற்கூரையில் சிமெண்டு காரைகள் பெயர்ந்து இரும்புகம்பிகள் வெளியே தெரிகிறது. சுவரில் விரிசல்கள் ஏற்பட்டு பயணிகள் நிழலகத்தில் உறுதி தன்மை கேள்விக்குறியாகி இருக்கிறது. இதன்காரணமாக பயணிகள் அச்சத்துடன் நிழலகத்தில் பஸ்சுக்காக காத்திருக்கின்றனர். எனவே, சம்பந்தப்பட்ட அதிகாரிகள் ஆய்வு மேற்கொண்டு பயணிகள் நிழலகத்தை சீரமைக்க நடவடிக்கை எடுக்க வேண்டும்.