அரியலூர் மாவட்டம், கீழப்பழுவூர் புதிய பஸ் நிலையத்தை சுற்றிலும் இரவு நேரங்களில் தெருநாய்களின் கூட்டம் அதிகரித்து காணப்படுகிறது. கூட்டம் கூட்டமாக நின்று கொண்டு பயணிகள், பெண்கள் மற்றும் குழந்தைகளை கடிக்க பாய்ந்து வருவதால் பஸ் நிலையத்திற்கு வருவதற்கே அனைவரும் அச்சப்படுகின்றனர். மேலும் இவை சாலையில் செல்லும் வாகனங்களின் குறுக்கே சென்று விழுவதால் விபத்து ஏற்படும் அபாயமும் அதிகம் உள்ளது. இதனால் வாகன ஓட்டிகளும், பொதுமக்களும் அவதியடைந்து வருகின்றனர். எனவே சம்பந்தப்பட்ட அதிகாரிகள் இதுகுறித்து விரைந்து நடவடிக்கை மேற்கொண்டு தெருநாய்களின் எண்ணிக்கையை கட்டுப்படுத்த வேண்டும் என்று கேட்டுக்கொள்கிறோம்.