சேலம் மாவட்டம் சின்னப்பம்பட்டி பஸ் நிறுத்தத்தின் மிக அருகில் ஜலகண்டாபுரம் செல்லும் மெயின் ரோட்டில் அரசு மேல்நிலைப்பள்ளி உள்ளது. பள்ளி அருகே எந்தவித எச்சரிக்கை அறிவிப்பு பலகையும் இல்லை. இந்த வழியாக வாகனங்கள் அதிவேகமாக வருகின்றன. இதனால் விபத்து ஏற்படும் அபாயம் உள்ளது. மேலும் சுற்றுப்புறப்பகுதிகளில் வேகத்தடைகளுக்கு வர்ணம் இல்லாமல் உள்ளது. இதனால் இரவில் இந்த வழியாக வரும் வாகனங்கள் விபத்தில் சிக்கும்அபாயம் உள்ளது. பள்ளி அருகே எச்சரிக்கை பலகைகள் அமைக்கவும், வேகத்தடைகளுக்கு வர்ணம் பூச வேண்டும் என்பது இந்த பகுதி மக்களின் முக்கிய கோரிக்கையாக உள்ளது.