திருவெண்ணெய்நல்லூர் அருகே கருவேப்பிலைபாளையம் கிராமத்தில் 100-க்கும் மேற்பட்ட மாணவ, மாணவிகள் சரவணம்பாக்கம் மற்றும் வீரப்பெருமாநல்லூர் அரசு மேல்நிலை பள்ளிகளுக்கு சென்று கல்வி கற்று வருகின்றனர். இவர்கள் பள்ளிக்கு சென்றுவர காலை மற்றும் மாலை நேரங்களில் போதுமான அளவுக்கு அரசு பஸ் வசதி இல்லை. இதனால் மாணவர்கள் பெரும் அவதி அடைந்து வருகின்றனர். எனவே பண்ருட்டியில் இருந்து கருவேப்பிலைபாளையம் வழியாக பெரியசெவலைக்கு பள்ளி நேரங்களில் போதுமான அளவுக்கு டவுன் பஸ் இயக்க வேண்டும் என பொதுமக்கள் கோரிக்கை விடுத்துள்ளனர்.