பெரம்பலூர் ரோவர் வளைவு அருகே போக்குவரத்து சிக்னல் அமைக்கப்பட்டு உள்ளது. இந்த போக்குவரத்து சிக்னல் முறையாக இயங்கியபோது வாகனங்கள் நின்று சென்றன. இந்த நிலையில் இந்த சிக்னல் பழுதடைந்து உள்ளதால் தற்போது வாகனங்கள் முறையின்றி உடனே செல்வதால் அடிக்கடி போக்குவரத்து பாதிப்பு ஏற்படுகிறது. மேலும் காலை நேரங்களில் வேலைக்கு செல்பவர்கள் மற்றும் மாணவ- மாணவிகள் குறித்த நேரத்திற்கு செல்ல முடியாமல் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இந்த போக்குவரத்து சிக்னலை சரி செய்ய வேண்டும் என கேட்டுக்கொள்கிறோம்.