பெரம்பலூர்- துறையூர் சாலையில் உள்ள கல்யாண் நகர் பகுதியில் ஏராளமான மக்கள் வசித்து வருகின்றனர். இப்பகுதி மக்கள் வெளியூர் செல்லும் வகையில் சாலை ஓரத்தில் பயணிகள் நிழற்குடை அமைக்கப்பட்டு உள்ளது. இந்த பயணிகள் நிழற்குடையானது போதிய பராமரிப்பு இன்றி சிதிலமடைந்து காணப்படுகிறது. இதனால் மழை மற்றும் வெயில் காலங்களில் பயணிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இந்த பயணிகள் நிழற்குடையை சீரமைக்க வேண்டும் என கேட்டுக்கொள்கிறோம்.