கரூர் மாவட்டம், காதப்பாறை ஊராட்சி, வாங்கப்பாளையம் சாலையில் அரசு உயர்நிலைப்பள்ளி, தொடக்கப்பள்ளி மற்றும் தனியார் பள்ளிகள் உள்ள இடத்தில் 3 வேகத்தடைகள் அமைக்கப்பட்டுள்ளது. ஆனால் இந்த வேகத்தடைகளில் வெள்ளை வர்ணக் கோடுகள் பூசப்படாமல் உள்ளது. இதனால் இந்த சாலையில் வேகமாக வரும் இருசக்கர வாகன ஓட்டிகள் சாலையின் குறுக்கே வேகத்தடைகள் இருப்பது தெரியாமல் அதில் வாகனத்தை விட்டு நிலை தடுமாறி கீழே விழுந்து காயம் அடைந்து வருகின்றனர். மேலும் பள்ளி மாணவ- மாணவிகள் சாலையை கடக்கும்போது வேகத்தடைகள் இருப்பது தெரியாமல் வாகனங்கள் வேகமாக வந்து விபத்து ஏற்படுத்தும் நிலை உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து சாலையின் குறுக்கே அமைக்கப்பட்டுள்ள வேகத்தடைகளில் வெள்ளை வர்ணக் கோடுகள் பூச வேண்டும் என கேட்டுக்கொள்கிறோம்.