கரூர் மாவட்டம், அரவக்குறிச்சியில் உள்ள சாலைகளில் தினமும் ஏராளமான வாகனங்கள் சென்று வருகின்றன. இந்த நிலையில் ஆடுகள் கூட்டம் கூட்டமாக சாலைகளில் சுற்றித்திரிவதினால் வாகன ஓட்டிகள் பெரிதும் அவதிப்பட்டு வருகின்றனர். மேலும் இருசக்கர வாகன ஓட்டிகள் சாலையில் செல்லும்போது ஆடுகள் திடீரென குறுக்கே ஓடுவதினால் அவர்கள் நிலைதடுமாறி கீழே விழுந்து காயம் அடைந்து வருகின்றனர். எனவே பெரிய அளவிலான விபத்துக்கள் நடக்கும் முன்பு இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.