புதுக்கோட்டை மாவட்டம், கறம்பக்குடி அருகே உள்ள கிளாங்காடு கிராமத்தில் அரசு உயர்நிலைப் பள்ளி உள்ளது. இங்கு சுமார் 300 மாணவர்கள் படித்து வருகின்றனர். இந்த பள்ளி அமைந்துள்ள மேல ஆற்றாங்கரையில் வாகனங்கள் வேகமாக செல்வதால் அடிக்கடி விபத்துக்கள் ஏற்படுகிறது. இதனால் மாணவ - மாணவிகள் அச்சத்துடன் பள்ளிக்கு சென்று வருகின்றனர். எனவே அப்பகுதியில் வேகத்தடை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.