ஓமலூர் பஸ் நிலையத்தில் இருந்து தர்மபுரி செல்லும் நெடுஞ்சாலையில் பாதுகாப்பு மைய தடுப்பு கல் அமைக்கப்பட்டு இருந்தது. ஆனால் தற்போது பாதுகாப்பு மைய தடுப்பு கல் அகற்றப்பட்டு பேரிகார்டு பொருத்தப்பட்டுள்ளது. இதனால் அருகே உள்ள சாலையில் இருந்து வரும் வாகனஓட்டிகள் பேரிகார்டை நகற்றிவிட்டு சாலையின் குறுக்கே ஆட்டோ மற்றும் இரண்டு சக்கர வாகனங்களில் சென்று வருகிறார்கள். இதனால் வாகனங்கள் மோதி விபத்து ஏற்படும் அபாயம் உள்ளது. எனவே பொதுமக்கள் மற்றும் வாகனஓட்டிகள் பாதுகாப்பு கருதி சாலையின் குறுக்கே வாகனங்கள் செல்ல முடியாத வகையில் தடுப்பு சுவர் அமைக்க வேண்டும்.