அரியலூரில் உள்ள செந்துறை ரவுண்டானா பகுதியில் ஏராளமான லாரி உள்ளிட்ட கனரக வாகனங்கள் சாலையோரம் நிறுத்தி வைக்கப்படாமல் சாலையின் நடுவே நிறுத்தி வைக்கப்படுகின்றன. இதன்காரணமாக இந்த வழியாக தினமும் பயணம் செய்யும் வாகன ஓட்டிகள் மற்றும் பொதுமக்கள் மிகுந்த அவதியடைந்து வருகின்றனர். இதுகுறித்து சம்பந்தப்பட்ட அதிகாரிகள் உரிய நடவடிக்கை மேற்கொண்டு சாலையில் வாகனங்கள் நிறுத்தப்படுவதை தடுக்க வேண்டும் என்று கேட்டுக்கொள்கிறோம்.