முறையாக இயக்க வேண்டும்

திங்கள்சந்தையில் இருந்து குலசேகரத்திற்கு அரசு பஸ் காலை 7.45 மணிக்கு இயக்கப்பட்டு வந்தன. இதன் மூலம் சுற்றுவட்டாரத்தை சேர்ந்த ஏராளமான பள்ளி, கல்லூரி மாணவ-மாணவிகள் பயன்பெற்று வந்தனர். கடந்த சில நாட்களாக அந்த பஸ் குறிப்பிட்ட நேரத்திற்கு முன்பாகவே இயக்கப்படுகிறது. இதனால் கல்லூரி மாணவ, மாணவிகள் சரியான நேரத்திற்கு கல்லூரிக்கு செல்ல முடிவதில்லை. எனவே மாணவர்களின் நலன்கருதி 7.45 மணிக்கு இயக்கபட்ட பஸ்சை அதே நேரத்தில் இயக்க அதிகாரிகள் நடவடிக்கை எடுக்க வேண்டும்.