அரியலூர் ஒன்றியம், நாகமங்கலம் அருகே உள்ள காஞ்சலிகொட்டாய் பஸ் நிறுத்தத்தில் பயணிகள் நிழற்குடை அமைக்கப்பட்டு உள்ளது. இந்த நிழற்குடை அமைக்கப்பட்டு பல ஆண்டுகள் ஆனதால் தற்போது சிதிலமடைந்து ஆபத்தான நிலையில் காணப்படுகிறது. இதனால் இப்பகுதி மக்கள் இந்த நிழற்குடையை வெயில் மற்றும் மழைக்காலங்களில் பயன்படுத்த முடியாமல் பெரிதும் அவதிப்பட்டு வருகின்றனர். மேலும் பொதுமக்கள் நடமாட்டத்தின்போது இந்த நிழற்குடை இடிந்து விழுந்தால் உயிரிழப்புகள் ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.