அரியலூர் மாவட்டம், ஜெயங்கொண்டத்திலிருந்து சுத்தமல்லி, விக்கிரமங்கலம், கைகாட்டி, அரியலூர் வரை செல்லும் பஸ் இயக்கப்பட்டு வந்தது. கடந்த சில ஆண்டுகளாக இந்த பஸ் இயக்கப்படாமல் உள்ளது. இதனால் காலை நேரங்களில் பள்ளி மற்றும் கல்லூரி செல்லும் மாணவ-மாணவிகள் மற்றும் வேலைக்கு செல்வோர் பெரிதும் அவதிப்பட்டு வருகின்றனர். எனவே ஜெயங்கொண்டத்திலிருந்து விக்கிரமங்கலம் வழியாக காலை மற்றும் மாலை நேரத்தில் நிறுத்தப்பட்ட பஸ்சை மீண்டும் இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.