கரூர் மாவட்டம், நொய்யல் குறுக்கு சாலையில் பஸ் நிறுத்தம் ஒன்று உள்ளது. இந்த பஸ் நிறுத்தத்தில் அந்த வழியாக செல்லும் எந்த பஸ்களும் நிற்காமல், 100 மீட்டர் தள்ளி சென்று நிற்கிறது. இதனால் பொதுமக்கள், முதியவர்கள் ஓடி சென்று அந்த பஸ்சில் ஏறி வருகின்றனர். சிலர் ஓடும்போது கீழே தவறி விழுந்து படுகாயமும் அடைகின்றனர். எனவே சம்பந்தப்பட்ட அதிகாரிகள் பஸ்கள் நின்று செல்ல நடவடிக்கை எடுக்க வேண்டும் என கேட்டு கொள்கிறோம்.