அரியலூர் மாவட்டம், ஜெயங்கொண்டத்திலிருந்து தினமும் காலை 8 மணி அளவில் கோரைக்குழி விக்கிரமங்கலம் வழியாக அரியலூருக்கு ஒரு புறநகர் பஸ் இயக்கப்பட்டு வந்தது. ஆனால் கடந்த ஓராண்டிற்கு மேலாக அந்த பஸ் நிறுத்தப்பட்டு விட்டது. இதனால் அணிக்குறிச்சி கோரைக்குழி போன்ற ஊர்களில் இருந்து விக்கிரமங்கலம் மற்றும் அரியலூருக்கு செல்லும் பள்ளி மற்றும் கல்லூரி மாணவ- மாணவிகள், வேலைக்கு செல்லும் பொதுமக்கள் என பலரும் பாதிக்கப்பட்டுள்ளனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.