கூடுதல் பஸ் வசதி தேவைநெல்லையில் இருந்து கோவைகுளத்துக்கு முன்பு அதிகளவில் பஸ்கள் இயக்கப்பட்டு வந்தன. ஆனால் கொரோனா ஊரடங்கு காலத்துக்கு பிறகு பஸ்கள் சரிவர இயக்கப்படுவது இல்லை. குறிப்பாக, மாலை 6 மணிக்கு நெல்லையில் இருந்து கோவைகுளத்துக்கு பஸ் வருகிறது. அதன்பிறகு பஸ்கள் இயக்கப்படாததால், பள்ளி, கல்லூரி சென்று திரும்பும் மாணவ-மாணவிகள், வேலைக்கு சென்று திரும்பும் பெண்கள் உள்ளிட்டோர் கடும் அவதிப்படுகிறார்கள். எனவே முன்புபோல் அனைத்து பஸ்களையும் இயக்க அதிகாரிகள் நடவடிக்கை எடுக்குமாறு கேட்டுக் கொள்கிறேன்.