பஸ்நிலையத்துக்குள் பஸ் வருமா?

நெல்லை மாவட்டம் பாபநாசத்தில் இருந்து தென்காசி வழியாக தினமும் மதுரைக்கு இயங்கி வரும் அரசு பஸ் (வழித்தடம் எண்- 761) கடையம் பஸ்நிலையத்துக்கு உள்ளே வருவது இல்லை. மெயின் ரோட்டிலேயே பயணிகளை ஏற்றி, இறக்கி செல்கிறது. இதனால் பள்ளி, கல்லூரி மாணவ-மாணவிகள், பொதுமக்கள் பஸ்சுக்காக மெயின் ரோட்டில் காத்து நிற்க வேண்டிய நிலை உள்ளது. எனவே பஸ்நிலையத்துக்குள் அந்த பஸ் வந்து செல்வதற்கு சம்பந்தப்பட்ட அதிகாரிகள் நடவடிக்கை எடுப்பார்களா?