அரியலூர் மாவட்டம், திருமானூர் ஊராட்சி ஒன்றியம், கீழக்காவட்டாங்குறிச்சி ஊராட்சி, குந்தபுரம் புதிய காலனியில் உள்ள பஸ் நிறுத்தத்தில் பயணிகள் நிழற்குடை அமைக்கப்படாமல் உள்ளது. இங்கிருந்து தஞ்சாவூர் பகுதியில் உள்ள மருத்துவமனை, கல்லூரிகள், பள்ளிகள் உள்ளிட்டவற்றிற்கு பொதுமக்கள், மாணவ-மாணவிகள் அதிக அளவில் சென்று வருகின்றனர். இந்த நிலையில் இங்கு நிழற்குடை இல்லாததால் பொதுமக்கள் வெயிலிலும், மழையிலும் நின்று பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுத்து இப்பகுதியில் பயணிகள் நிழற்குடை அமைக்க வேண்டும் என கேட்டுக்கொள்கிறோம்.