பெரம்பலூர் மாவட்டம், ஆலத்தூர் தாலுகா, செட்டிகுளம் கடைவீதி திருப்பத்தில் வாகன ஓட்டிகள் குறைந்த வேகத்தில் செல்லும் வகையில், சாலையின் குறுக்கே வேகத்தடை அமைக்கப்பட்டு உள்ளது. இந்த வேகத்தடையில் வெள்ளை கோடுகள் பூசப்படாமல் உள்ளதால், இரவு நேரத்தில் இந்த வழியாக வரும் வாகன ஓட்டிகள் நிலை தடுமாறி செல்லும் நிலை ஏற்பட்டுள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து வேகத்தடையில் வெள்ளை வர்ணம் பூசப்படுவதுடன், அதன் அருகே வேகத்தடை உள்ளதற்கான அறிவிப்பு பதாகை வைக்க வேண்டும் என கேட்டுக்கொள்கிறோம்.