பெரம்பலூர் மாவட்டம் அம்மாபாளையம் கிராமத்தில் அமைக்கப்பட்டுள்ள பஸ் நிறுத்தத்தின் நிழற்குடை அருகே ஏராளமான குப்பைகள் கொட்டப்பட்டு வருகிறது. மேலும் அவற்றை சிலர் தீவைத்து கொளுத்தி விடுகின்றனர். அப்போது அப்பகுதியில் புகை மண்டலமாக காட்சியளிப்பதுடன், முதியோர்களுக்கு மூச்சு திணறல் ஏற்படுகிறது. மேலும் இந்த குப்பைகளால் இப்பகுதியில் சுகாதார சீர்கேடு ஏற்பட்டு நோய் தொற்று பரவும் அபாயம் உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து குப்பைகளை அகற்றுவதுடன், இப்பகுதியில் குப்பைகளை கொட்டுபவர்கள் மீது கடும் நடவடிக்கை எடுக்க வேண்டும் என கேட்டுக்கொள்கிறோம்.