புதுக்கோட்டை மாவட்டம், கீரனூர் கிள்ளுக்கோட்டை சாலையில் நல்லதங்காள்பட்டி கிராமத்தில் அமைக்கப்பட்டு இருந்த நிழற்குடை சிதிலமடைந்து உள்ளதால் விபத்து ஏற்படும் சூழல் உள்ளது. என தினத்தந்தி புகார் பெட்டியில் செய்தி வெளியிடப்பட்டது. இதனைதொடர்ந்து சிதிலமடைந்த நிழற்குடையை சம்பந்தப்பட்ட அதிகாரிகள் இடித்து அப்புறப்படுத்தினர். ஆனால் புதிய நிழற்குடை அமைப்பதற்கான பணி தொடங்கப்படாமல் உள்ளது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.