நாகை மாவட்டம் வேதாரண்யம் அண்ணாபேட்டை ஊராட்சி மாடிக்கடை பகுதியில் பயணிகள் நிழலகம் இருந்தது. இந்த பயணிகள் நிழலகம் பழுதடைந்ததால் ஊராட்சி நிர்வாகம் சார்பில் இடித்து அகற்றப்பட்டது. ஆனால் தற்போது வரை அந்த பகுதியில் புதிதாக பயணிகள் நிழலகம் கட்டப்படவில்லை. இதனால் பொதுமக்கள், மாணவ-மாணவிகள் வெயிலிலும், மழையிலும் பஸ்சுக்காக காத்திருக்கின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் புதிதாக பயணிகள் நிழலகம் கட்ட நடவடிக்கை எடுக்க வேண்டும்.