புதுக்கோட்டை மாவட்டம், அறந்தாங்கியில் இருந்து அமர சிம்மேந்திரபுரம் வழியாக ரெட்டை வயல் செல்லும் 3-ம், 10-ம் நம்பர் அரசு பஸ்கள் தமிழக முதல்-அமைச்சர் அறிவித்த பெண்கள் செல்லும் இலவச பஸ்களாக இருந்து வருவதால் மதிய நேரம் உள்ளிட்ட பல நேரங்களில் இப்பஸ்கள் வருவதில்லை. இதனால் இப்பகுதியில் உள்ள ஏழை-எளிய கூலித் தொழிலாளர்கள், பொதுமக்கள் மிகுந்த சிரமப்பட்டு வருகின்றனர். தனியார் பஸ் வந்து சென்ற பிறகு அதன் பின் அரசு பஸ் வருகின்றது. இதனால் அரசு பஸ்சில் கூட்டம் குறைவாகவும், தனியார் பஸ்களில் கூட்டம் அதியமாகவும் காணப்படுகிறது. எனவே இதுகுறித்து சம்பந்தப்பட்ட போக்குவரத்துத்துறை அதிகாரிகள் விரைந்து நடவடிக்கை எடுத்து காலை, மாலை, இரவு நேரங்களில் தவறாமல் அரசு பஸ் இயக்க வேண்டும் என கேட்டுக்கொள்கிறோம்.