புதுக்கோட்டை மாவட்டம், கறம்பக்குடி பஸ் நிலையத்திற்கு புதிய கட்டிடம் கடந்த 4 ஆண்டுகளுக்கு முன்பு கட்டப்பட்டது. ஆனால் பல்வேறு காரணங்களால் பஸ் நிலையம் திறக்கப்படாமல் உள்ளது. தற்போது பஸ் நிலைய வெளி பகுதியில் தகர கொட்டகை அமைக்கும் பணிக்காக பஸ் நிலையத்திற்குள் பஸ்கள் செல்வதும் தடைசெய்யப்பட்டுள்ளது. தற்காலிக பஸ் நிலையமும் அமைக்கப்படவில்லை. எனவே அரசு மற்றும் தனியார் பஸ்கள் ஆங்காங்கே சாலையோரங்களில் நிறுத்தப்படுகின்றன. இதனால் பொதுமக்கள் பெரும் சிரமப்படுகின்றனர். போக்குவரத்து நெருக்கடியும் ஏற்படுகிறது. எனவே கறம்பக்குடி பஸ் நிலைய கட்டிடத்தை விரைவில் பொதுமக்களின் பயன்பாட்டிற்கு திறந்து விட சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.