புதுக்கோட்டை மாவட்டம், கறம்பக்குடி அருகே உள்ள புதுவிடுதி கிராமத்தில் தெற்குதெரு, காடாம்பட்டி, கீராத்தூர், ரெகுநாதபுரம் ஆகிய பகுதிகளுக்கு செல்லும் நால்ரோடு சந்திப்பில் ஏராளமான வாகனங்கள் சென்று வருகின்றன. இப்பகுதியில் வேகத்தடை இல்லாததால் அடிக்கடி விபத்துகள் ஏற்படுகின்றன. அதிவேகமாக செல்லும் இரு சக்கர வாகனங்களால் சாலையில் நடந்து செல்லும் மாணவர்கள், முதியோர்கள் பாதிக்கப்படும் நிலை உள்ளது. எனவே புது விடுதி நால்ரோட்டில் வேகத்தடை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.