திருவாரூர் மாவட்டம், மன்னார்குடி-குலமாணிக்கம் வழித்தடத்தில் தினமும் நூற்றுக்கும் மேற்பட்ட மாணவ-மாணவிகள், வேலைக்கு செல்பவர்கள் பஸ் பயணத்தில் சென்று வருகின்றனர். இந்த நிலையில் மேற்கண்ட வழித்தடத்தில் இயக்கப்படும் பஸ்கள் காலை மற்றும் மாலை நேரங்களில் தாமதமாக வருகின்றன. இதன்காரணமாக மாணவ-மாணவிகள், வேலைக்கு செல்பவர்கள் மிகுந்த சிரமத்துக்குள்ளாகின்றனர். எனவே, சம்பந்தப்பட்ட அதிகாரிகள் மேற்கண்ட வழித்தடத்தில் இயக்கப்படும் பஸ்கள் சரியான நேரத்துக்கு வர நடவடிக்கை எடுப்பார்களா?